عدد الرسائل : 78 العمر : 29 الجنس : زكر تاريخ التسجيل : 04/08/2010
موضوع: قهر القلوب الأربعاء أغسطس 04, 2010 12:10 pm
الى كل من يبكى على حبيب فاته ويبكى بدموع عينيه اسفه قصدى يبكى بدم قلبه على حبيب فاته وترك له قهر وجرح في قلبه ممكن تسمحلى ايها المقهور بان اتحدث مع هذا الحبيب المغادر عن ما هو الشعور بالقهر .....
هل تعلم ايها الحبيب المغادر ما هو قهر القلب تعالى معى اقص عليك ماهو قهر القلب الذي تركته للطرف الاخر من قصة الحب الذي انت كتبت نهايتها وحدك فلتسمح بان اقول لك ما هو :
تخيل معى بان شخص كل ما تراه تحس بالقهر والحسرة والالم والظلم والنار والحيرة ..
كل شيئ ممكن تحس بيه عندما ترى شخص معين كان في حياتك جرحك وقهر قلبك وبكى عيونك وذل نفسك وهان كرامتك وداس على مشاعرك واستهتر بعواطفك وهانك وظلمك ومرحمكش في وقت جرحك وكادك وكسرك ونحتك وقضمك ..
تخيل معى ماهو شعورك من انسان عمل فيك كل هذه الاشياء ..
لا ومش بس كده ده محاك ودفنك وكانك لم تكن شيئا مذكوراً وكإنه لم يعرفك يوما ولا كانه كان يوم في حضنك ولا ماسك في يدك وحلفلك انه بيحبك وعمره ما حيتخلى عنك !
وانه ندمان على عمله قبلك وانه ازاى يبعد عنك وانه إزاى يعرف بعدك ولا ودايما كان عايزك مبسوط ليه وحزين عليه في وقت حزنه..
لا وكمان عايزك تكون حزين عليه حتى بعد ما تركك وان شافك في يوم بتضحك يستكتر عليك حتى الضحكة والفرحة
وعاوز يوم ما يرجعلك تفرح فرحة عمرك وتنسي كل اللى عمله فيك وانه عمره ما قسي عليك ولا انت هنت عليه ولا كانه داسك تحت رجليه ولا حتى بكى عنيك كأن كل اللى عمله فيك انه نفخ من بعيد يبقى ده انسان عبيط انه يفتكر ان انت ممكن تفرح برجوعه ليك ...
لأنه محطش في حسبانه انك اتعلمت منه كتييير ..
أتعلمت عدم الوفا بالكلمة اللى تقولها وأتعلمت تبيع ما تشتريش .. وأتعلمت أن دموعك كانت غالية عليك .. وأن الحزن بيجرح مابيدويش وأن الكلام أسهل منه مفيش .. وأن القديم بينداس عليه وأن اللى بيبيع نفسه محدش بيشتريه .. وأن الغالى ممكن يجى يوم ويتباع رخيص من ناس أرخص منهم مفيش ....
كل ده هو نسيه لأنه فكرك صبار الشوك مبياثرش فيك تتحمل كل شيئ ولا تشتكيش ولا عمرك حتقول الاه ولا الالم والنار حتحس بيها وتأثر فيك....
أسفة انى اقول كلمة ندل لانه اكبر بكثير من كلمة ندل ...
تعالى معى اوصف لك هذا الشخص من وجهة نظرى ....
هو إنسان فكر في نفسه فقط ومحسش غير بنفسه وقرر مع نفسه أنه يبعد عنك من غير ما يفكر ممكن البعد يعمل فيك ايه أو تأثيره فيك حيكون إيه وحتتقبله زاى ... هو مفكرش !
ده إنسان استكتر عليك إنه حتى يفكر فيك وفى ان انت ممكن تكون عندك مشاعر لكن أنت مصعبتش عليه...
ولا أفتكر لحظة حلوة معـاك عدت عليه كان كل همه انه يبعد عنك ويخلص منك ومفكرش إن الأيــام دوارة
" يوم ليك ويوم عليك "
وأنه أختار اليوم الى ليه ونسي اليوم اللى عليه ..
ولازم يجرب اليوم اللى عليه لازم تاخد حقك منه ...
لازم ينظلم زى ما ظلم.. لزم ينحرق بالنار في قلبه زى ما حرق قلبك
لازم يدوق المر زى ما دوقه ليك .. ولازم الاه تطلع من قلبه
ودموعه تنزل منه زى ما نزلت منك وولعت فيك لازم يجرب كل اللى انت جربته وما يستعجبش لانه هو البادى والبادى اظلم ما أنت كمان استعجبت بس انت مكنتش البادى ومع ذلك أتظلمت ...
أنت مش طالب غير أنه يحس بالامك من دموع وقهر وظلم ونار وانكسار وحيرة ودموع قلبك اللى نزلت دم والسهر وعيونه ما دوق النوم وليله نهاره ونهاره ليله وأنه يكلم نفسه وانه يتوه في شوارعه وأنه ينسي نفسه
لو حس بده كله يبقى كده الامور اتعدلت وتبقى انت علمته درس قبل ما تجرح غيرك وتقهر قلبه وتغدر بيه وتقوله بحبك وبعد شوية بكلمة وداع تولع فيه ...
علمه قبل ما يقول بحبك يفكر 1000000 مرة لانى كلمة بحبك مش كلمة دى حياه بتديها لشخص تانى بيعيش عليها ويبنى عليها امال بيسعى على تحقيقها
لكن كلمة وداع دى عبارة عن قبر بتعطيه ليه لكى يدفن فيها كل مشاعره واحساسه واماله واحلامه وزكرياته ....
موضوع: قهر القلوب 
الأربعاء أغسطس 04, 2010 12:10 pm
